‘O FERRAGOSTO
Cumme ‘nfoca ‘o ferragosto
pare tanno tanno ca’ t’arrosta,
te ne scinne rint’à cantina
ma ‘a situazione cchiù s’arruina,
vuardanne pe’ ccaso dirimpetto,
te vene annanz’alluocchie ‘nu peretto,
ne scippe ‘o suvere ca’ steva ‘ngoppa
e accummienze a t’ho zucà.
Se ne scenne frisco frisco dint’é stentine,
ma ‘a situazione cchiù s’arruina,
ca’ aroppa n’ora ‘a capa pesa ciente chile,
tu appuoggi ‘ngopp’a ‘nu varrile,
t’adduormi e accummienzi a rusecà.
Muglierete te chiamma e nun rispunni,
gira tutta quanta ‘a casa e po’ scenne
‘o chiano abbasscio ‘a cantina a cuntrullà.
cumme te vere penza ca’ si’ mmuorto,
ma po’ sentennete fortemente ‘e rusecà,
capisce ca’ te ne si gghiuto ‘a ‘mbriacà.
T’afferra forte pa’ cammisa
e te scutrulleja accà e allà,
tu te scite ca’ capa storta
e nu chiaveco male ‘e panza
e allucchi:”Chiamma ambulanza!!!”
Ma ruglierete ca’ te vere accussì ‘mbriacato,
allucca cchiù forte: “ Tu si proprio ‘na schifezza,
accà nun serve l’autombulanza,
ma sulamente ‘ camio r’à munnezza!!!”
Catello Nastro
Da “Nuove poesie napoletane”
Nessun commento:
Posta un commento