‘O SCURO R’A SERA
Quanno scenne ‘a sera,
se ‘ntruvuleiano rint’a capa
mille male penziere
ca’ nun lasciano arripusà.
‘Nu male ‘e panza,
‘nu male ‘e mola
rint’a notte ponno ‘o suonno
all’intrasatta arravuglià.
‘E penziere addeventene scure,
cchiù scure d’à nuttata
e ‘o cerviello se ‘ntorza
e ininterrottamente te da’ ‘a penza’.
Ma che succere chesta notta scura,
cchiù scura d’o’ penziero d’o’ trapasso,
quanno accummienza a penzà,
ca’ è arrivata l’ora ‘e chistu passo?
E mentre p’ore e ore pienze
a chesti cose strane,
p’à senga r’à fenestra
chiano chiano aesce ‘o juorno.
‘O ciele è azzurro e ‘o sole
già accummenza a cumparì,
illuminanno ‘e piere d’è lenzole,
scarfannete cu’ luce e cu’ calore.
E’ n’ata jurnata ‘e luce,
ringrazianno a Dio Onnipotente!!!
Catello Nastro
TRADUZIONE
La notte apporta mille pensieri cattivi che non lasciano riposare. Anche un mal di pancia o un mal di denti possono contribuire all’insonnia. Arrivi a tal punto che ti sembra quasi arrivata l’ora del trapasso. E mentre trascorri ore ed ore a pensare che è giunto il tuo momento, appare l’alba che illumina i piedi del letto portando luce e calore. E’ GIORNO!!!
Nessun commento:
Posta un commento