LU CIUCCIO PITTATO RE JANCO

LU CIUCCIO PITTATO RE JANGO


‘Nu biforco, re lu Ciliento antico,
tenia ‘nu ciuccio can un vulia mai fatiari.
Iddo, lu ciuccio, tutte li mmatine re notta,
s’accuntentava r’esse pirucculato,
chiuttosto ca’ purtà lu grano a lu mulino,
l’acqua ra la catosa rint’à dduje varrili,
l’aulivi a lu’ trappito ‘ntiempo re la raccolta,
la pruasa re li vacche pe’ cungimà la terra,
lu ffieno, ca è leggiero, ra jntà lu’ pagliaro.

Lu biforco ‘na matina, lu juorno re la fera,
purtao lu ciuccio a la chiazza re lu mercato.
Ma la matina re notti, visto ca chiro
nun vulìa esse ra la stalla,
‘nge futtette nu’ muzzeco ‘nzimma a la capa
e le sciangao na meza aurecchia.
E pe’ lu fa corre ccchiù alleramente,
le feccao tre cerasieddi re chiri chiu’ forti
rint’à lu pertuso re lu culo, sotto a la cora.

Pe’ lu’ vruciore ca tenìa rintà lu mazzi,
lu ciuccio curria cumm’à nu pazzi,
e rint’à nu’ mumenti fu vinnuto
pe’ quatto rucati ca sunanti
lu biforco s’annascunnette,
p’esse siuro, rint’à la mutandi.

Passato ‘nu mese re vennegna,
lu biforco jette a la fera p’accatari
n’autu ciuccio ca’ tenia voglia re fatiari.
Rint’à lu riparto ciucciaria,
finalmente truvao nu’ ciuccio allero e janco,
re la stazza re lu suovo ca era niuro.
Se sputacchiao ‘nzimma a na mani
e facette p’accarizzà lu ciuccio.

La mana sova s’azzeccao re pittura janca,
lu biforco lu vuardava ‘nzimma a la capi,
e subbito nutao ca le mancava
‘nu piezzo re gurecchia ra iddo muzzecata.
Canisciuto l’animalo suovo e sfatiato,
s’avvicinao a la gurecchia sana e le ricette:
“Caro ciuccio mio io t’accattassi,
ma sulamenti si nun te canuscessi!!!”

Catello Nastro

E’ la storia di un asino sfaticato che il padrone, disperato, mordendolo, gli stacca una mezza orecchia e poi lo porta all fiera per venderlo. Lo compra per quattro tornesi un contadino vicino che dopo due mesi porta lo sfaticato asino ad un mercato vicino e per non farlo riconoscere lo dipinge di bianco. Il vecchio padrone lo vorrebbe comperare, ma quando si accorge che è stato pitturato e che gli manca mezzo orecchio, gli dice:” Io ti comprerei pure, ma solo se non ti avessi riconosciuto!!!”. Tutto questo secondo il vecchio proverbio che recita:” Contadino, scarpe grosse, cervello fino!!!”