IL FREDDO DI FEBBRAIO 2012
Tengo cchiù ‘e sittant’anne
e nunn’aggio visto maje
‘na ggelata accussì forte
ca’ si arapa a porta ‘e case.
trase ‘a neva ‘ngoppa ‘e vase.
Fa ‘nu freddo ca’ se more,
e pure si nun chiove ‘a fora,
tengo l’osse cungelate
e già penzo ca’ chesta notta
sarà veramente ‘na mala nuttata.
Pure ‘a rentiera s’è gelata
e nun pozzo manco mangià,
tutt’à vocca s’è fermata
e se rifiuta ‘e fa’ trasì,
pure ‘nu poco e marmellata.
Telefono subbito o miereco ‘e famiglia,
e me risponne ca è meglio ca’ me piglio
nu’ bicchiere ‘e vino tuosto,
ca’ cumme accummenza a effetto fa,
‘a rentiera s’arrepiglia a funziunà.
Ammiezz’à tutta sta’ confusione
m’aggio sculato tutt’ò fiascone,
‘a rentiera s’è aggià sbluccata,
ma ‘o cervello e ggià annebbiato,
e nun me rice re mangià.
Riesca a truvà ‘a camera ra’ lietto,
pecchè a porta steva aperta,
me vaco a ‘nfilà sott’è ccuperte
e quanno arriva la conzorte,
sente chiaro ca’ stongo a russà.
‘A matina aroppa, songo ‘e ddiece,
me vene voglie re scetà.
Guardo a fora, veco a neve,
tutta janca ca scenne ro’ cielo,
ma io sott’è ccuperte me ne torno arravuglià!!!
Catello Nastro
TRADUZIONE A SENSO
Ho superato oramai i settanta anni, ma non ho mai sentito un freddo così forte. Anche la dentiera si è congelata e non riesco nemmeno a mangiare. Telefono al mio medico che mi consiglia di scongelarla con un bel bicchiere di vino. Mi scolo tutto il fiasco: la dentiera si sblocca, ma si blocca il cervello. Riesco a trovare la camera da letto, mi infilo sotto le coperte e dopo un poco incomincio a russare.. Il mattino seguente mi alzo alle dieci, vedo il freddo fuori e me ne torno a dormire…
Nessun commento:
Posta un commento